«Кĕтекенни кĕтетчĕ...»

Виталий Станьял | Сăвă | 1962 | 450


Кĕтекенни кĕтетчĕ,

Килессине пĕлместчĕ.

Кĕтмен çĕре пĕрех те

Çитес тесе вĕçтертĕн...

 

Мĕн-ма сăхлантăн, каччă?

Хитре патне васкарăн —

Лашу выртать урлаççăн,

Çĕкленейми кĕлернĕ...

 

Кĕтекенни пĕлмерĕ,

Астаркăчу килмерĕ...

Выртатăн халь хăраххăн

Тăпра ыталаса!

 

Ахаль васкарăн, каччă

Тĕлне пĕлми васкарăн!

Чипер куçсем хăварчĕç

Сисми улталаса...

 

1962, авăн, 15.

Шăмăршă-Асанкасси

1961, чӳк, 14,

Каçал - Асанкасси.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: