«Поэзи вăл — ытарайми илемлĕ кайăк...»

Юхма Мишши | Сăвă | 2007 | 389


Поэзи вăл — ытарайми илемлĕ кайăк,

Ун тĕкĕсем те, курăр, тем тĕслех,

Поэзипе, тăванăм, туслашни пит лайăх,

Анчах та вăл савмасть çав кашнинех.

 

Поэзипе туслашакан телейлĕ,

Ăна паратъ вăл хăйĕн илемне.

Поэзипе туслашакан илейĕ

Çут хĕвелтен те унăн çутине.

 

Çынна парать хăй çунатне поэзи,

Çут çăлтăрсем патнех çĕклет ăна.

Поэзипе туслашнă çыннăн ĕçĕ

Ялав пулса çĕклет саманана.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: