Тойтерек юрри

Виталий Станьял | Сăвă | 1972 | 533


(«Ирĕкпе çăвăнатăп» трагедирен)

 

Ункă çумĕн утаççĕ

Хусахсем шарламасăр.

Утсене шăвараççĕ

Авăра антарса,

 

Хырчăкпа тасатса

Çилхерен ачашлаççĕ,

Иккĕ-виççе шăлаççĕ

Йĕтре — ярана.

 

Килпе çул хушшинчи

Уйрăлу алыхлаçĕ

Хупласа хурайман

Чĕрери сурана.

 

Пĕтĕм чун-кăмăлтан

Килте çеç юратаççĕ,

Килте хатĕр кĕтме

Ватăлса виличчен...

 

Чун юратнă çынсем

Куççуль витĕр юрлаççĕ

Пĕлĕтре вĕçекен

Кăвакарчăн çинчен.

 

Хура тур утсене

Йĕкĕтсем утланаççĕ —

Кăвакарчăн вĕçет

Çаврăнса пуç çинче.

 

1972, чӳк, 8.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: