«Шурă-шурă пĕлĕтсем...»

Любовь Шашкина | Сăвă | 268


Шурă-шурă пĕлĕтсем,

Вăрăм мăйлă акăшсем,

Ăçталла эсир ишетĕр

Вĕрнĕ май çурхи çилсем?

 

Çав асамлă инçетре

Мĕн кĕтет унта сире?

Тен, çыран эсир шыратăр

Тинĕс евĕр тӳпере?

 

Эх, васкаççĕ пĕлĕтсем,

Манăн шухăш-ĕмĕтсем.

Сирĕнпе пĕрле каяççĕ

Эпир пурăннă кунсем.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем