Инçетлĕх йыхăрать


Малашлăх çулĕпе инçе

Çичĕ пĕлĕт хушшипе —

вĕçетĕп тĕттĕм сĕмлĕхе.

Çут Уйăхпа Хĕвел патне.

 

Асамлă хатĕр — телескоп —

юлташăм пулчĕ вĕçевре.

Пин тĕрлĕ çăлтăр тĕнчине

курса эп савăнтăм чунтан.

 

Çитсе эп куртăм Марс çине:

чечекĕсем епле ĕлккен!

Кăвак тӳпе пек кӳлĕсем —

пăхсассăн витĕр курăнать!

 

Плутон çине те çитрĕм эп:

кунта мĕн тĕрлĕ хуласем.

Унта пĕр ырлăх çеç иккен-

çук вăрçăсем, хирĕçӳсем.

 

Часах эп тупрăм юлташсем

Çăлтăр туссем питех аван!

Çут Уйăхпа пытанмалла

вылярăм чунăм каниччен.

 

Пĕр-пĕринпе çав уçлăхра,

Пурнаççĕ туслăн çăлтăрсем.

Ав Алтăр çăлтăр куркипе

сапать телей пур уçлăха.

 

Манпа вĕсем сыв пуллашса

Йăл-йăл çиçеççĕ пĕлĕтре:

«Телейлĕ лăпкă пурнăçа

Çитер эс, тусăм, Çĕр çине!

Вулавçăсен шухăшĕ Вулавçăсен шухăшĕ


Admin (2012-11-26 18:35:33):

Марс çинчи чечекĕсемпе Плутонăн хулисене чăн та кăсăклă сăнласа панă.

 

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... »
Хаклав:
Шухăшĕ:
Чĕлхе илемлĕхĕ:
Содержанийĕ: