«Çур хĕвелĕ шевлелетнĕ...»


Çур хĕвелĕ шевлелетнĕ

Йăрăс яхтă вуллине

Сан хĕрлӳк пуçу мĕлтлетнĕн

Куртăм эпĕ ирхине.

 

Чăтлăхра аташнă çил çеç

Çĕклентерчĕ-тĕр ăша,

Ахăр, тĕлĕксем пуль килчĕç

Ман пуçа, ман шухăша.

 

Сан сăну асра ан юлтăр,

Кайтăр тĕпсĕр манăçа

Тейĕп те — сăмахăм пултăр —

Урăх шанмăп хам куçа!

 

...Ӳлĕмрен курас пулсассăн

Хĕрлĕ, хăмăр, сар тĕсе

Шухăшлăп çавах хавассăн

«Шурă тĕслĕ вăл» тесе.

 

1963, çу 15, 17.

Пăчăрлă Пашьел.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... »
Хаклав:
Шухăшĕ:
Чĕлхе илемлĕхĕ:
Содержанийĕ: