«Хĕл илемĕ чăлтăр шурă...»

Виталий Станьял | Сăвă | 405


Шура йăмăкăма

 

Хĕл илемĕ чăлтăр шурă,

Хăв та шурăччĕ йăлтах.

Çавăнпах-тăр кăмăл турăн

Шур упа пек турата.

 

Ун чухне вăрман турачĕ

Çăмламасчĕ ман пекех.

Çил-тăман вăл кăларатчĕ

Кăшт пырса тивсессĕнех.

 

Шур тасалăхăн пичечĕ —

Иксемĕр ăмсаннăран —

Халĕ çĕмĕртсем çинче çеç

Упранайнă хушăран.

 

Юлашки çеçкийĕсем те

Тăкăнаççĕ ерипен.

Тен, эсех тухса силленĕ,

Урăххи ал хывнă, тен.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: