«Малтанхи те малтанхи теетĕн...»

Виталий Станьял | Сăвă | 469


Малтанхи те малтанхи теетĕн.

Саншăн эпĕ хыççăнхи кăна.

Малтанхишĕн эс мана пĕр шелсĕр

Хăваратăн чыссăр вырăна.

 

Пирвайхи савни — яш ĕмĕр пуçĕ,

Çула май çеç пулнăскер çумра —

Ĕмĕр тăрăх ĕмĕтре çеç куçĕ

Ĕçĕпе хăй юнашар çукран.

 

Асăнса пурнатăн та, савниçĕм,

Асăнни пачах сăваплă мар:

Куç çине яратăн аçа çиçĕм,

Чун çине сапатăн вут-кăвар.

 

Манса кай, ан асăнччĕ теместĕп.

Пулмалла ман хамăн çутăрах.

Унсăрăн мана пĕр шелсĕр эсĕ

Çунтарса яратăн çулăмра.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: