Альма-матер

Аркадий Русаков | Юрă | 585


Пикки шывĕ хĕрринче,

Симĕс йăмра айĕнче

Пирĕн шкул вырнаçнă —

Альма-матер.

Кашни кун вăл ир-ирех

Вĕренме чĕнет пире,

Ытамне ялан илмешкĕн хатĕр.

Хушса юрламалли:

Альма-матер —

Урал шкулĕ!

Яту санăн янăрать.

Пĕлмен çын сана çук пулĕ

Çакă пирĕн таврара.

 

Ялсенче, хуласенче —

Тĕрлĕ-тĕрлĕ çĕрсенче

Эс вĕрентнĕ ачусем ĕçлеççĕ.

Эсĕ панă пĕлӳсем —

Иксĕлми пуянлăхсем

Пулăшу ялан пире кӳреççĕ.

 

Вунтăххăрмĕш ĕмĕрте

Эс çуралнă çак çĕрте.

Санăн çулă вăрăм та мăнаçлă.

Урал шкулĕ — тăван шкул,

Ялан эсĕ вăйлă пул,

Такăр, çутă пултăр сан малашлăх.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: