«Улăх паян ас тутарчĕ...»


Улăх паян ас тутарчĕ

Çуркунне тĕл пулнине.

Кăвак сирень чечекреччĕ,

Эсĕ шурă кĕпепе.

 

Вăтăр çул иртмен пек халь.

Улăх ларать чечекре.

Чĕре анчах хытă тапрĕ

Иртнĕ куна ас илсе.

 

Чечек çыххи эп тытнăччĕ,

Парнеленĕччĕ сана.

Иксĕмĕр çуммăн утнăччĕ

Сар чечеклĕ улăхпа.

 

Килмен пулсан çак вырăна

Эсĕ аса килместĕн.

Тахçанах сӳннĕ туйăма,

Улăх, эсĕ чĕртместĕн.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... »
Хаклав:
Шухăшĕ:
Чĕлхе илемлĕхĕ:
Содержанийĕ: