«Çĕршывăмçăм! Эпир халь — вăрăсем-çке!..»

Çĕршывăмçăм! Эпир халь — вăрăсем-çке!

Мана эс çарататăн, эп — сана.

Чи хаклă тенисем таçта çĕтеççĕ,

Те тамăк, те çăтмах теес çакна?

Сана куçран пăхма та шикленӳллĕ:

Пăч тĕттĕм пушлăх çеç сан куçунта.

Ялав çунать халь, мĕн-ши пулĕ ӳлĕм?

Ялавăн кĕлĕ шурлăхра путать.

Темле кичемлĕх чуиăма кăшлать те

Ӳт-пӳ нушаланать ыратупа.

Эп вĕçĕмсĕр пĕр шухĕш шухăшлатăп:

Ыран мĕн пулĕ-ши санпа, манпа?

Çĕнĕ комментари хуш