«Çу, çумăр, çу!..»

Микул Пулар | Сăвă | çумăр | 328


Çу, çумăр, çу!

Ача çуралчĕ çак самант.

Эп — ашшĕ.

Аттем çĕрте.

Эс пулăн, тен, аслашшĕ?

Çу, çумăр, çу!

 

Çу, çумăр, çу!

Пурнăçра çак вăхăт питĕ хаклă.

Йăх-тĕп пĕтмест. Эппин,

этем хăватлă.

Çу, çумăр, çу!

 

Çу, çумăр, çу!

«У-а! У-а...» тени çĕр çийĕн куçрĕ.

Ав амăшĕ те вăйсăррăн куç уçрĕ.

Çу, çумăр, çу!

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: