Шупашкар — ман юратнă хула

Мĕн тери эсĕ капăр паян,

Шупашкар — ман юратнă хула!

Юрă-кĕвĕ янрать те ян-ян,

Ĕмĕт-шанчăк çĕклет кăмăла.

Уçă çил кассăн-кассăн вĕрсе

Чечексен шăршине сапалать.

Шухăшпа тӳпене вĕл вĕçсе

Хăпарсан, савăк чунăм кулать.

Савăнса ача пек кăшкăрса

Мĕн пурне манăçса пĕр-пĕччен,

Çут тĕнче санпала выляса

Киленетĕп хавассăн темччен.

Çĕнĕ комментари хуш