Шăнкăравла

Уйрăлас чухне, ĕнер,

Эп каларăм-çке сана

Телефонăн номерне,

Паян шăнкăравлама!

Хушса юрламалли:

Шăнкăравла, шăнкăравла

Телефонпа мана, тархасшăн!

Ăш сăмахна часрах кала -

Эп те сана çавнах каласшăн.

Эп кĕтетĕп иртенпе

Эс шăнкăравлассине.

Телефон анчах, темме,

Памасть хăйĕн сассине.

Сан сассу — чĕкеç юрри!

Пит илтес килет ăна.

Мĕншĕнех-ши çав тери

Пăлхатать вăл ман чуна?

Çĕнĕ комментари хуш