Юратсассăн
Эпир санпа утнă чух
Алла-аллăн тытăнса,
Туйăнать кĕскелнĕн çул,
Чĕре тапать савăнса.
Утса-чупса пынă чух
Такăнасси вăрах мар.
Юратсассăн икĕ чун —
Пултараймĕç уйрăлма.
Тытса илĕ алăран,
Пĕри такăнсан, тепри.
Тем чăтма та пултарать,
Юратсассăн, çын чĕри.
Чĕкеç йăва çавăрать —
Кăларасшăн чĕппине.
Каччă хĕре ал парать,
Палăртса хăй туйăмне.
Тапсан харăс, пĕр пулса,
Икĕ çыннăн чĕрисем,
Вĕсен тăрĕç çуталса
Куçĕсемпе пичĕсем.
Хĕвел анса каç пулсан,
Уйăх шăвать тӳпере.
Эпĕ инçете кайсан,
Тыт эс мана чĕрере.
Чунтан сана юратса,
Эпĕ сана манаймăп.
Чун-чĕрене çунтарса,
Сăнна асран яраймăп.
Кашни кун эс кĕт мана,
Тăр эп килессе шанса.
Пакăлти, усал çынна
Ан шан, усал каласан.
Эс мана аса илсен —
Сан çĕклентĕр кăмăлу.
Пĕр-пĕрне хисеплесен —
Йывăр пулмĕ уйрăлу.
Шухăшсем
Наш квалифицированный военный юрист всег...
Need more clicks and conversions for Chu...
Our AI-powered traffic solution delivers...
Ready to drive targeted visitors to your...
Hello everyone, if you are interested i...
Aiming to ignite your website’s p...
Опытные эксперты предоставят вам полную ...
Аван ...
кайăксем чăнахта лайăх чĕр - чунсем
Çитмĕлсенчен иртсен те, хаш сывлатпăр, А...