Ырату касса хăварнă йĕр
Çĕрĕпех садра эп кĕçĕр лартăм.
Ир çинче чĕтре-чĕтре
Хĕр пек хурăн айĕнче вăрантăм,
Ман тавра ишет кăвак тĕтре.
Уйăх та иккен шăнса хутланнă.
Ман мĕлке пек пĕчĕк те çинçе.
Манра сӳннĕ кулă пек шупкалнă,
Çакăннă шур хурăн тăрринче.
Мĕн шыратăп, мĕн-ха эп çухатнă
Çӳç пекех арпашнă пурнăçра?
Мĕн упранă, сан пекех юратнă —
Сан хыçран саланчĕ хам ăшрах.
Тĕкĕнмерĕм, аякра эп тăтăм,
Çунса пĕтрĕм хам тасалăхпах
Телее, куран, илмеççĕ сутăн,
Телее тăваççĕ çынлăхпа.
Иртĕ пурте, манăçа та юлĕ
Ырату касса хăварнă йĕр.
Ас илсен, тен, вăл та çывăх пулĕ,
Пулĕ, тен, татах та савнă хĕр.
Шухăшсем
Миçе çын пăхнă е вуланă ? 647 ...
Питĕ чуна пырса тивекен сăвă...
Ĕлĕк , вуншар çул каялла , тейĕпĕр , вул...
Пĕр калаврах ĕç-пуçĕ целăй романлăх !!!
Мана питĕ килĕшрĕ...
Вуланă ...
Енчен те " кĕрхи кунсем иртмеççĕ кăлăх"п...
Тем, сăвăн тĕллевне ăнланаймарăм, каçарă...
Ара , криминал та ку ! Çавăнпа та КУЛĂШЛ...
"Виççĕмĕш страница çитсен сасăпах кулкал...