Кукаçей

Кукаçей патне васкатăп,

Эп ăна пит юрататăп.

Каласа парать юмах,

Миххинче — çĕр пин сăмах.

Вĕрентет ыр çын пулма,

Вăл хушмасть çынран кулма.

Тăрăшсах ăна итлетĕп,

Ун пекех пуласчĕ тетĕп.

Кукаçей, ан ватăлсам,

Çĕр çулччен эс пурăнсам.

Юрататăп эп сана,

Савăнтар эс те мана.

Вулавçăсен шухăшĕ

Миша Поляков (2011-04-11 18:07:43):

Это самое лучшее стихотворение..

Чĕлхе илемлĕхĕ: илемлĕ | Шухăшĕ: вăйлă | Содержанийĕ: тарăн