Хĕвел шевли


Çутă, сенкер тӳпере

Хĕвел вылять шевлипе

Пĕр шевли ӳкет шыва

Тĕкĕр евĕр çуталса.

 

Тепри кĕрет вăрмана

Вăратма уçланкăна.

Пуçлать кайăк юрлама

Çĕнĕ куна мухтама.

 

Хĕвел анчĕ улăха

Вăл пуçтарчĕ сывлăма.

Пĕчĕк чĕр чун васкаса

Апат шырать таврара.

 

Кантăк витĕр сăрхăнса

Кĕчĕ хĕвел пĕр çурта.

Тутлă тĕлĕксем курса

Хуп турттарать пĕр ача.

 

Шевлипе сава-сава

Ак вăратрĕ ачаша.

Васка эсĕ урама

Çĕнĕ куншăн савăнма.

Вулавçăсен шухăшĕ Вулавçăсен шухăшĕ


Галина (2011-03-30 18:54:28):

Питĕ илемлĕ, чуна савăнтаракан йĕркесем. Настя, эсĕ пултаруллă хĕр ача.

Чĕлхе илемлĕхĕ: илемлĕ | Шухăшĕ: вăйлă | Содержанийĕ: тарăн

 

Вера (2011-03-31 16:36:07):

Маттур! Сан сăввусем питĕ лайăх. пулас поэт.

Чĕлхе илемлĕхĕ: илемлĕ | Шухăшĕ: вăйлă | Содержанийĕ: тарăн

 

Алина (2011-03-31 16:58:01):

Ку сăввă пурне те килĕшессе эпĕ шанатăп. Пуласлăху пысăк

Чĕлхе илемлĕхĕ: илемлĕ | Шухăшĕ: вăйлă | Содержанийĕ: тарăн

 

Мария (2011-04-07 21:35:50):

Сăвă мана питĕ килĕшрĕ.

Çуллахи каникулсене аса илтерет.

 

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... »
Хаклав:
Шухăшĕ:
Чĕлхе илемлĕхĕ:
Содержанийĕ: