Ирхи тĕнче

Сехет хăвăрттăн васкать,

Улттă çитнĕ пулмалла.

Вăранма часрах ыйтать:

— Хĕвел тухнă — тăмалла!

Кантăка уçса ярсан

Хĕвел шевли часах кĕрет.

Уй хире тухса кайсан

Юрласа ĕçлес килет.

Сывлăм тивнĕ курăксем

Пуç таяççĕ ыр сунса.

Сенкер çурнă чечексем

Вăранаç мана курсан.

Çав тери хитре тĕнче

Илĕртет илемĕпе.

— Кур, Чăваш çĕршывĕнче

Çуралаç çĕн талантсем!

Çĕнĕ комментари хуш