«Пĕрре хама хам та суям-ха...»

Любовь Мартьянова | Сăвă | 436


Пĕрре хама хам та суям-ха,

Кулам-ха кулас килмен чух,

Савнас килмесен те савнам-ха,

Паян кăмăла вăл ман чух.

 

Хавассăр кунра та хаваслăн

Юрлап юратман юррăмах.

Хăш чух кăшт сывлатăп эп ассăн

Юри, ĕненес пек ыррах.

 

Шанмасăр та эп шанап тейĕп

(Вĕреннĕ ăна эп санран).

Пăрланнă чунпах «ирĕлетĕп»

Юри, улшăнмасăр сăнран.

 

Атя-ха, çурта хăть çутар-и

Хаваслă куна ăсатса.

Савас килмесен те савар-и

Пĕрне пĕри вăрттăн суйса.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем