Элшел
Савнă ялăм, ман Элшелĕм –
Ытарми илем!
Тăван кил, тăван сĕтелĕм,
Ман ачаш аннем.
Арманкасĕ, Тутаркасĕ,
Савăк вырăнсем.
Çума-çумăн, кассăн-кассăн
Икĕ рет пӳртсем.
Хире-хирĕççĕн пăхаççĕ
Йăлтăр кантăксем.
Чунăма пăлхантараççĕ
Чечекри садсем!
Ял йĕри-тавра уй-хирĕ
Канлĕн ешерет.
Сарлака та анлă Шурĕ
Куçа илĕртет.
Шăнкăр-шăнкăр Сĕве шывĕ
Авăнса юхать.
Ĕнен уçă шăнкăравĕ
Çепĕççĕн янрать.
Хура çĕрĕм, Çĕр-аннемĕр,
Эсĕ – ман юнра.
Сан умра эп ĕмĕр-ĕмĕр
Пысăк парăмра.
Эй, Элшел, ан ютшăн, йышăн,
Мана ан пăрах.
Ман аннеçĕм, ман ял-йышăм –
Пурте чунăмрах.
Çĕнĕ комментари хуш
Шухăшсем
...
...
"Шăнăçман" глаголăн пĕлтерĕшне Акапас...
Мана уйрăмах калав вĕçĕ килĕшрĕ! Пилĕк м...
Кулмалли, тăраниччен кулмалли калавсем ...
Кун пек вăйлă произведени чăваш литерату...
Çеçпĕл ман юрату! Ăна пĕлмен Çынсенчен э...
Эпĕ Çеçпĕле мĕн тери юратнине никам та с...
Тринкки-тринкки сикекен Шăрчăк тусăн, юр...
Мана çав тери Крыловăн юптарăвĕсем килĕш...