Манăн çемье
Пĕчĕккĕ пулсан та эпĕ,
Манăн пур пысăк çемье.
Аттерен кунта асли ав
Асаттепе асанне.
Вăйли çук ман аттерен,
Ырри çук ман аннерен.
Асанне вара пит ăслă,
Юмах калать кунсерен.
Асаттепе сунара
Эпир кайăпăр çулла.
Манăн çемье питĕ лайăх!
Юрататăп эп ăна.
Вулавçăсен шухăшĕ
Çĕнĕ комментари хуш
Маша (2011-02-17 18:38:01):
Никита, маттур. Мана санăн сăввусем питĕ килĕшрĕç. Малашне те лайăх сăвăсем çыр
Маша (2011-02-17 18:38:40):
Никита, маттур. Мана санăн сăввусем питĕ килĕшрĕç. Малашне те лайăх сăвăсем çыр
Альбина Павлова (2011-02-17 20:45:28):
Аван сăвăсем санăн Никита!Маттур!
Елена (2011-02-19 14:46:00):
Çемьене юратни чи лайăх япала. Маттур!
Марина Вакку (2011-02-22 18:22:34):
Çемьере туслă пулмаллине Никита тепĕр хут хăйĕн сăввинче çирĕплетсе парать. Ачана пĕр канфетпа улталаймăн!
Елена Николаева (2011-03-03 12:55:18):
Маттур, Никита! Сан сăвву питĕ кăмăла кайрĕ. Татах çыр.
Зина (2011-03-09 20:30:51):
Лайăх сăвăсем. Ачи те тăрăшуллă. Сăввисем хаçат-журналсенче те тĕл пулкалаççĕ. Хăйне те тĕрлĕ конкурссенче курма пулать.