Камра пулчĕ айăпĕ?

Мария Селендеева | Сăвă | 373


Малтанхи юратăвăм,

Манăçми ыратăвăм,

Кĕлленчĕ те çухалчĕ, —

Камра пулчĕ айăпĕ?

 

Кăвак сирень турачĕ...

Пĕр саншăн çеç татнăччĕ.

Шанчĕ, типрĕ, хуçăлчĕ, —

Камра пулчĕ айăпĕ?

 

Çăлтăр вылять мĕн ирччен,

Кăвак шуçăм киличчен.

Эс пĕччен, эп те пĕччен, —

Камра пулчĕ айăпĕ?

 

Ăнланмасăр пĕр-пĕрне

Çул йӳпленчĕ ик енне.

Вăхăт курчĕ — пачĕ хак, —

Кая юлтăмăр никак!

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: