Тăву


Ай ăнтăлу! — вут-çулăмла — çӳле,

чул муклашкин — çĕре

 

мĕн ачаран

анне чĕрçи çинчен! —

 

ӳссе-ӳссе пыран

Сăлтав — Кĕтрет

 

çине тăнин чăн çимĕçне курни —

 

кашни Ĕç — Савăнăç!.. —

 

унта — эп хам

 

тата хама хамах сӳтсе явни!.. —

кашни-пĕр чĕр чунран ĕç сĕмĕ

сăрăхать

 

чи пирвайхи ку хускануллă вăй —

 

Чи Аслă Турă ирĕкĕ

пĕлсе

ĕмĕрĕпех тытса пыран хăват

 

пĕл унсăрăн — Йĕркесĕрлĕхĕ çеç

пĕтĕмĕшпе — йăлт! — хуçаланчĕ

 

пĕл унсăрăн — Тĕнчи те

пулмĕччĕ!..

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... »
Хаклав:
Шухăшĕ:
Чĕлхе илемлĕхĕ:
Содержанийĕ: