Икĕ çыран

Микул Ишимбай | Сăвă | çыран | кĕпер | 394


Эп çыран ку енче,

эс çыран леш енче.

Çывăх мар, пит инçе

хушшăмăр. Ах, тĕнче!

Хушăра та шыв мар —

пирĕн иртнĕ çулсем,

Сисĕнмесĕр, шыв евĕр

юхса иртнисем.

Ах, епле çак шыв урлă

кĕпер хывмалла?

Вăй-хал çитĕ-ши? Пирĕн

пĕрле пулмаллах!

Çук, çапаймăн сăвай

шывăн тĕпĕ çукран.

Тытăнаймĕ кĕпер те

сăвай пулмасан.

Юмахри пек кĕпер

хывăттăм сан енне,

Сывлăшра çакăнса

тăракан пеккине.

Çавăн пекех пăхăр

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: