Кĕтетпĕр килессе телей

Ансатах мар этем кун-çулĕ:

Самантсемпе вăл йӳç куççулĕ,

Çапах та хамăра курах-тăр

Пуласлăха шанса пурнатпăр!

Иртес пек паянхи кулянăç,

Шыратпăр туссенче йăпанăç,

Ĕçре куллен вĕткеленетпĕр,

Ĕçке те тепĕр чух çитетпĕр.

Сисместпĕр те — иртсе те кайнă

Кун-çул, хĕвел те йăвашланнă,

Çавах ĕмĕтсемпех пурнатпăр,

Телей йăл куласса шанатпăр...

Çĕнĕ комментари хуш