«Юратнă-и, юратман-и...»

Виталий Станьял | Сăвă | 1969 | 390


Любо или не любо,

Я уже не с тобой.

Феликс Чуев

 

Юратнă-и, юратман-и,

Мĕнех ĕнтĕ вăл халь тин?

Иртнĕ кунсен çил-тăманĕн

Тасалăхне тек ан тив.

 

Пулнă та иртнĕ. Пĕтнĕ.

Юлнă асилӳ кăна.

Юр кайнă та симĕс пĕтнĕк

Симĕслентернĕ ăна.

 

Юратнă-и, юратман-и:

Пулмарĕ кĕтнĕ пăлчав...

Çук пурлăха шыранăн

Çĕн çереме ан чав.

 

1969, çу, 4.

Щупашкар

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: