«Çӳрес çулсем выртаççĕ çухрăм-çухрăм...»

Виталий Станьял | Сăвă | 1967 | 590


Çӳрес çулсем выртаççĕ çухрăм-çухрăм,

Ăçта кăна çитсе-ши чарăнам?

Кирек ăçта кайсан та чунăм чухăн —

Ман асăмра пыратăн эс кăна.

 

Пăравуссем Шупашкарта шавлатчĕç

Ир кӳлĕме каç тĕсĕ çаврăнсан...

Санпа паян утать мĕнле-ши каччă,

Итлет-ши вăл çав канăçсăр сасса?

 

Каччусене кампа та улăштартăн,

Телей шыратăн. Тупрăн-и вара?

Эп манаймарăм, эсĕ манса кайрăн,

Халь çавăнпа хамран хамах тарам!

 

Пăравуссем Шупашкарта шавлаççĕ,

Каяс çулсем выртаççĕ аякка.

Иртни кăна — пĕртен-пĕр çирĕп каçă —

Хушшăмăрта выртать яри яка.

 

1967, утă, 1.

«Мускав-София» экспресс. Болгари.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: