Усал арăмсем

Петĕр Ялгир | Шӳтлĕ сăвă | арăм | 537


Час-часах Йăван киле

Таврăнать тайкаланса.

Арăмĕ ăна силлет:

«Ӳсĕр пуç!» — тет тарăхса.

 

Хĕр упраç чух пикесем

Каччăсемшĕн чун ăшши.

Анчах усал арăмсем

Ăçтан тупăнаççĕ-ши?

 

Ачисемпе выляс чух

Очколла çапать Йăван.

Арăм çилленет май çук:

Уншăн харкашать ялан.

 

Хĕр упраç чух пикесем

Каччăсемшĕн чун ăшши.

Анчах усал арăмсем

Ăçтан тупăнаççĕ-ши?

 

Пĕрре çамрăк майрана

Йăван тытнăччĕ хулран.

Анюк курчĕ те ăна

Ярса илчĕ хăлхаран.

 

Хĕр упраç чух пикесем

Каччăсемшĕн чун ăшши.

Анчах усал арăмсем

Ăçтан тупăнаççĕ-ши?

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: