Электронлă вулавăш

Пурăнать пирĕн ялта

Митрахван пичче.

Хăй вăл халĕ çĕр çулта.

Çук суймап пĕртте.

 

Çӳçĕ çук ун, хăй парик

Тăхăнса ярать.

Тĕлĕнтермĕш çак старик

Лашасем усрать.

 

Урхамахĕ темĕн чул:

Кĕренни, хăли,

Çул çӳренĕ, пăвăр ут,

Шур лаши, ули.

 

Чакăрри тапăртатать,

Юнашар — хушки.

Тур лаши çула тухать,

Унпала чалки…

 

Чуптар лаша та кунтах,

Кăвакки, сарри.

Ĕрĕхсе чупать çăрха,

Пур юпах, хури…

 

Питĕ çирĕп çав мучи,

Ут çулать вăр-вар.

Темĕн пысăкăш пахчи.

Хатĕрлет юр-вар.

 

Ачасем ун патĕнчен

Пĕлеймеç хăпма.

Юмахне ярать ирччен,

Йăлăхмасть хăлха.

 

«Ĕçчен выльăх шыв ĕçет…»

Тупмалли юмах

Вăл ачасене сĕнет.

Салтăнать сăмах…

 

Мĕн кăна пуль каламасть

Савăк шăпăрлан.

Йăл кăна çиçсе тăрать

Ватă Митрахван.

 

Сикрĕ тухрĕ пĕр лаши

Ак сасартăках.

Пулчĕ пулĕ ку патши.

Илчĕ вăл сăмах:

 

«Тупсăмĕ, туссем, лаша,

Пĕлĕр-ха апла.

Тватă пин çул каялла,

Вĕрентсен алла,

 

Килтĕмĕр эпир кунта

Çынна хăнăхма.

Пултăмăр нумай çарта

Пулăшу пама.

 

Македонский вăрçăра

Лашапа çӳрет.

Чи хаяр çапăçура

Вăл, чăн, çĕнтерет.

 

Хăйĕн ашшĕ витинчи

Чи усал утпа

Вăл çитет çак çĕр çинчи

Тĕрлĕ вырăна.

 

Донской Дмитрий çарĕнче

Пулнă лашасем.

Куликово хирĕнче

Пулăшнă вĕсем.

 

Вăтăр пинлĕ утлă çар

Çапăçнă хĕрӳ.

Пулнă кашниех вăр-вар,

Кĕтнĕ çĕнтерӳ…

 

Халĕ эпĕ — ÇИЛÇУНАТ,

Хамăн йăх çинчен

Çырăп пысăк реферат

Ĕмĕр иртиччен…»

 

Курăнмарĕ урăхран

Митрахван пичче.

«Вилнĕ..., — терĕç уçлăхран, —

Халĕ вăл çӳлте».

 

 Лашасем пăхать иккен

Çӳллĕ тӳпере.

Ман пата килет пĕрех

Тутлă тĕлĕкре.

 

Ялсенче те юлчĕç халь

Лашасем сахал.

Çавăнпа тăмасть ахаль

Пирĕн аксакал.

 

Ырă çынччĕ çав ЭСИР,

Митрахван маçак.

«Ун çинчен эс сăвă çыр…», —

Ял çынни хушать.

 

Ан çухал эс çĕр çинчен,

Чĕмсĕр янавар!!!

Ĕмĕр иртиччен пĕрле

Туслă пурăнар!

Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —

Хаклав:

Шухăшĕ: --...вăйсăр...мухтамаллах   мар...вăйлă
Чĕлхе илемлĕхĕ: --...илемсĕр...чаплах   мар...илемлĕ
Содержанийĕ: --...ăшах...вăтам...тарăн