Ӳпне выртрĕ çаврăнса...


Ӳпне выртрĕ çаврăнса

шăрт сухаллă уйĕ,

леш касра куллен сикет

çĕн хăтийĕ-туйĕ.

Кив çăва çинче ватти

качака çитерчĕ,

кӳршĕсен пуçтах ачи

шкулалла вĕçтерчĕ,

тем сиссе мăнтăр хурсем

какăлтатрĕç хытă,

шăм çисе çуталчĕ тин

касмăкри мăн йытă.

Ахăртне,

каллех кĕр çитрĕ пулмалла,

ман йышшин

ăшăрах тумтир тăхăнмалла.

 

1977, Июлĕн 26-мĕшĕ, Шупашкар

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... »
Хаклав:
Шухăшĕ:
Чĕлхе илемлĕхĕ:
Содержанийĕ: