«Кĕр кунĕнче карла-карла кăнтăралла...»
Кĕр кунĕнче карла-карла кăнтăралла
Картин-картин вĕçеççĕ кайăксем:
«Кайри мала, хур кайăксем, кайри мала!» —
Чупаттăмăр эпир, шăпăрлансем.
«Кайри мала» тенин пĕлтерĕшне-тĕшне
Ун чух, паллах, ним чухлĕ ăнланман.
Анчах туйнах-тăр çав сăмах асамлăхне,
Вăл куçнă çавăнпа ламран лама.
«Кайри мала!» — хыçа юлать ав ӳре хур,
Çамрăкраххи тухать ун вырăнне.
Çапла чакать, чакать умри мĕнпур хĕн-хур —
Тăсаççĕ кайăксем хăйсен çулне.
Этемлĕх те çавах, пырать çав çул-йĕрпех
Темле чăрмав пулсан та умĕнче,
Ăна вăл пурпĕрех çĕнет-çĕнтеретех —
Кайри мала туртать паян кунччен.
Мĕнех, каллех килет кĕр кунĕ — каймалла.
Иртеççĕ çаплипех кунсем, çулсем.
— Кайри мала, хур кайăксем, кайри мала! —
Чупаççĕ кăшкăрса шăпăрлансем.
Шухăшсем
Повысьте эффективность своего производс...
Is low website traffic holding you back?...
Struggling to get the right visitors to ...
Struggling to get targeted leads to your...
Лазерный уровень легко помещается в су...
Повысьте эффективность своего производс...
Лазерный уровень легко помещается в су...
Здесь вы сможете найти поставщиков удоб...
Цикори çинчен ытларах пĕлесшĕннччĕ ...
Замечательное поэтическое творение...