Ӳнер

Вячеслав Круглов | Сăвă | 1990 | 424


Хĕвелпе тăван пуль эс,

Ăшшăн куçусем пăхаççĕ.

Куçусем — пăлхантараççĕ

Чунăма илем кӳртсе.

Лапкăлăх. Ултав та çук,

Суяна хальччен курман-тăр

Çакă çепĕç-çепĕç çут,

Пурнăç авăрне путман-тăр.

Уйăхпа тăван-ши эс,

Яшлăха пĕр çутататăн.

Сан çинчен ӳнер тĕрлес

Тен, кайран хăвах куратăн

Чăвашри Джокандăна.

Илĕн, чунăма, тăна

Çăлтăрпа тăванлăран

Маншăн эс çапла инçе-тĕр.

Эсĕ — манăн пурнăçра

Эпĕ тупнă çăлтăр-тĕрĕ.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем