«Юрату ăçта тесе эп ыйтрăм чечекрен...»


Юрату ăçта тесе эп ыйтрăм чечекрен.

Чечек пуçне сулчĕ питĕ хурланса.

Ыйт-ха терĕ çĕмĕрт çеçкинчен,

Эп пĕлместĕп юрату ăçта.

 

Юрату ăçта тесе эп ыйтрăм çĕмĕртрен.

Çĕмĕрт пуçне сулчĕ питĕ хурланса.

Ыйт-ха терĕ юрăç-чепченрен,

Эп пĕлместĕп юрату ăçта.

 

Юрату ăçта тесе эп ыйтрăм чепченрен,

Чепчен пуçне сулчĕ питĕ хурланса.

Ыйт-ха терĕ сар хĕр-пикерен,

Эп пĕлместĕп юрату ăçта.

 

Юрату ăçта тесе эп ыйтрăм сар хĕртен.

Сар хĕр ăшшăн пăхрĕ йăл кулса.

Ыйт-ха терĕ хăвăн чĕрӳнтен,

Эп пĕлетĕп юрату ăçта.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... »
Хаклав:
Шухăшĕ:
Чĕлхе илемлĕхĕ:
Содержанийĕ: