«Ешĕл вар хысакĕпе...»

Виталий Станьял | Сăвă | 288


Ешĕл вар хысакĕпе

Çуталса выртать сукмак.

Кĕл тăпра тусанĕпе

Пăшлатса пырать пушмак.

 

Вырнаçмасть куç ытамне

Иштерек, Сăпай, Шăхаль...

Тăван çĕр тăвайккине

Таптаканĕ кам-ши халь?

 

Ку сукмак вăл — вĕçсĕр çул,

Пин-пин ĕмĕр хушшинче

Малашне те пĕтес çук

Хĕрпе каччă пур çинче...

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем