Çăка

Анна Никонорова | Юрă | 560


Астăватни эс çăка йывăçне,

Çăка йывăçпа хӳтлĕх пулнине.

Астăватни эс тупа тунине,

Тупа тунине, манăн тенине.

 

Çуркунне çитсен çăка ешерет,

Çăка ешерет, хăй патне чĕнет.

Анчах эп пĕччен, мана пит кичем,

Çăка вăл пире иккĕне кĕтет.

 

Çуллана тухсан çулçă кăларать,

Çулçă кăларатъ, шаршине сарать.

Ах, мĕскĕн çăка, пире тунсăхлать,

Эпир килессе вăл çавах шанать.

 

Асилсем савни, таврăнсам яла,

Пĕчченех ларать мĕскĕннĕн çăка.

Каçсерен кĕтеп, тухап улăха,

Эс килен тесех пăхап анăçа.

 

(Кашни куплетăн юлашки икĕ йĕркине икĕ хут юрламалла).

Çавăн пекех пăхăр

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: