«Пĕлместĕп, ăçта эс, кампа...»

Виталий Станьял | Сăвă | 290


Пĕлместĕп, ăçта эс, кампа,

Тус-тантăшсемпе е пĕччен?

Тен, уйăхлă каç такампа

Çӳретĕн ирччен.

 

Çу каçĕ ытла та кĕске,

Тирекĕн шур мамăк вĕçет.

Шупка кĕрен-хĕрлĕ тĕспе

Çуталчĕ инçет.

 

Шартлатрĕ виç çаврăм автан,

Юрлать Çавалта шапа.

Утатăр пуль иксĕр пĕр тан...

Тавралăх — шăпах.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: