«Çил шăхăрать уй урлă...»

Çил шăхăрать уй урлă.

Тăвăл килет.

Кăмăлăм темшĕн хурлă,

Кăмăл йĕрет.

Кĕмĕлĕм те, мерчен те

Пулмĕ, пулман.

Вăл хĕррипе черченкĕ,

Шурă кăлкан.

Мăн асаттен йăх пуçĕн

Шур çӳçĕ пек.

Хӳтлĕхсĕр, сасăсăр, уççăн

Вĕлкĕшрĕ тек.

Тăвăл, тасал, ан ашкăн,

Çитĕ ылхан.

Вăл хĕррипе пĕр ушкăн

Шурă кăлкан.

Чарăнăн — кăмăлăм хуçăк

Пулмĕ текех.

Шурă кăлкан йăх пуçĕн

Çӳçĕ пекех.

Çĕнĕ комментари хуш