Манаймастăп сана, укăлча1

Манаймастăп сана, укăлча

Манаймастăп сана, укăлча,

Тăван кил умĕнчи шурă хурăн.

Симĕсех-ха сиренлĕ пахча.

Симĕсех-ха унти йывăç-курăк.

Çамрăк кăмăл тулса çутăлатчĕ,

Çуркунне çурăлан çеçке пек.

Çĕнĕ юррăн сасси çаврăнатчĕ

Калаçса йывăçпа, чечекпе.

Çав юрра эп нимпе улăштармăп.

Маншăн вăл анне пек, чи хакли —

Хампа хам савăнса калаçатăп,

Çул шыратăп пуласлăх валли.

Ман çине пăхăр, эп — çирĕмре

Çуркунне евĕрлех чечекре.

Çĕр-пин юрă янрать чĕремре,

Хам пекех çеçкере…