Хĕвел парни


Çамрăксем ĕçе васкаççĕ шавласа:

— Йăлăхтарчĕ ку хĕвел — куçа илет.

Ĕçсĕр-мĕнсĕр, тĕксĕм куçлăх тăхăнса,

Сулхăнта çерем çинче выртас килст.

 

* * *

Анлă Атăл хĕрринче шур пульница.

Чирлĕ çын пĕчченçĕ йывăр шухăшпа.

Асапланнă каçсерен кунта выртса,

Тыткăнланă ăна çăмăл мар шăпа.

 

Чирлĕ çын чухларĕ — сар хĕвел тухать,

Чуптăвать кăвар пек хĕрлĕ тутине.

Ун чĕри лăпланчĕ, савăнса тапать,

Саламлать хăватлă пурнăç çутине.

 

* * *

Тепĕри ларать кичеммĕн тĕрмере,

Хурçă кантăка тăрать пăчăртаса.

Сăнчăрпа тăлланă аллине унне, эре —

Виличчен юласчĕ, тет вăл, хĕвеле курса.

 

Палачсем ĕçе тапранчĕç ирхине,

Прикладпа çапса вĕçертрĕç аллине.

Тилмĕрсе пăхатъ этем çӳл тӳпене,

Вăл кĕтет, кĕтет хĕвел пайăркине.

 

Тӳпери вучахăн çут пайăркисем

Ĕнтĕ пĕçертсе тиреççĕ çав тери.

Эй, хĕвел! — кулаççĕ тертри çыннăн тутисем.

Эй, вĕри! Çук, тӳсеймерĕ ун чĕри.

 

* * *

Кунсерен мăнаçлăн хăпарать хĕвел.

Тĕнчене сарать вăл илемпе тирпей,

Валеçет хăватлăх, сапалать эмел,

Пĕрешкел пурне те парнелет телей.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... »
Хаклав:
Шухăшĕ:
Чĕлхе илемлĕхĕ:
Содержанийĕ: