«Çăлтăрлă çу каçĕ...»

Василий Эктел | Сăвă | 365


Çăлтăрлă çу каçĕ,

Уйăх тӳпере.

Куçусем çунаççĕ

Çут мерченлĕхре.

 

Вăштăр-вăштăр çилĕ

Вăрттăн сĕртĕнет.

Эх, чее-çке, тилĕ

Кĕвĕçтĕр-ха, тет.

 

Култăр та чуп тутăр —

Çук вĕчĕрхенӳ,

Ӳтӳнте çеç чуптăр

Ĕнтекен чĕнӳ.

 

...Çăлтăрсем çухалчĕç,

Уйăх ыйхăра.

Юрату саманчĕ

Чăтăмсăр, кăра.

 

Ĕшенсе телейлĕн

Хупăнчĕç куçсем.

Эх, мĕнле илемлĕ

Ытарми каçсем...

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем