«Ан сивле тĕнчене...»

Петĕр Яккусен | Сăвă | 341


Ан сивле тĕнчене:

Кăмăлу лĕнчĕр-лĕнчĕр...

Лар та пуйăс çине —

Станцисем черетленччĕр.

 

Эс тарман телейрен,

Шыраман инкек çулĕ.

Тăван ен теекен

Çĕршыву хыçа юлĕ.

 

Пĕтĕмпех кулăшла,

(Инкекӳ-телейӳ те!)

Ним çинчен шухăшла

Купери кантăк витĕр.

 

Хуларан хулана

Сĕтĕрнет тăлăх пуйăс,

Вăл ниçта та каймасть,

Çутăсем сана — суйрĕç.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: