«Чупса эс пырăн та — карта...»

Петĕр Яккусен | Сăвă | 340


Чупса эс пырăн та — карта,

Утса эс пырăн та — карта,

Шуса эс пырăн та — карта.

Тинех ăнланăн — эс шалта.

 

Тулта — шевле йăл-ял çиçет,

Тулта — пĕлмен, курман тĕнче,

Тулта — чĕнен, туртан инçет.

Карта — шалта юлма хистет.

 

Эс никама та ан ылхан

Мăн тĕнчене тухаймасан.

Эс ху — имшер, эс ху — ырхан,

Ху тытнă картуна. Вăл — сан.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: