«Çутăринччĕ çумăр пĕрех хут!..»

Çутăринччĕ çумăр пĕрех хут!

Аслатиллĕ, кăпăклă, озонлă.

Çырана çывхартăр пăрахут

Шурă юмахри пек шур асамлăн.

Иштĕрин шыва çура-çура.

Çырансем куçран çухалнă майăн

Палламан çынпа, калаçура,

Санăн ултавна та манса кайăп.

Тур пӳрмен пулас пире манма.

Пурпĕр çутăр çумăр чарăнмаслăн!

Пăрахут килет — анчах ман мар,

Çыннисем лараççĕ — эп лармастăп.

Çĕнĕ комментари хуш