Парашют
Сарă-хĕрлĕ пăнчă,
Сеп-сенкер тӳпе...
Пăнчă пысăкланчĕ,
Анчĕ майĕпе.
Чечек çыххи ӳкнĕн
Туйăнать пăхсан.
Епле чупса çитмĕн,
Курас килмĕ сан?
Сарă-хĕрлĕ вутăн
Çутă тĕсĕпе
Ярăнать мăнаçлăн
Ялăн çийĕпе.
Чечек çăмхаланнă
Ешĕл айлăмра.
Пĕлĕт çинчен аннă
Каччă ман умра.
Хăюсăррăн пытăм
Çав тете патне.
— Ку чечек-и? — ыйтрăм,
Пăхрăм яш питне.
Йĕкĕт çивĕч, чĕрĕ,
Куçлăхĕ çап-çут.
— Чечек мар ку, — терĕ,
Ячĕ — парашют.
Кайран хам та картрăм, —
Атте куриччен
Сĕтел çитти картăм,
Сикрĕм пӳрт çинчен.
Айван пулнă мар-и,
Ăнланасси çук.
Çук вĕт, уçăлмарĕ
Ун чух парашют.
...Çитрĕ çалтак терчĕ,
Сикрĕм нумай хут.
Хĕрлĕ чечек сарчĕ
Манăн парашют.
Шухăшсем
Повысьте эффективность своего производс...
Is low website traffic holding you back?...
Struggling to get the right visitors to ...
Struggling to get targeted leads to your...
Лазерный уровень легко помещается в су...
Повысьте эффективность своего производс...
Лазерный уровень легко помещается в су...
Здесь вы сможете найти поставщиков удоб...
Цикори çинчен ытларах пĕлесшĕннччĕ ...
Замечательное поэтическое творение...