«Пиçĕ çĕмĕрт касрăм, ухă аврăм...»

Юрий Сементер | Сăвă | ухă | 382


Пиçĕ çĕмĕрт касрăм, ухă аврăм,

Кĕр çиппинчен хирлӳ кантри яврăм.

 

Йĕппине вучах чĕртсе туптарăм,

Чĕререн хĕм кăларса хăйрарăм.

 

Ĕç пĕтсен вышкайсăр хаваслантăм,

Çумăмра вылярĕ ик çунатăм.

 

Тимĕр кăвак утăма утлантăм,

Ял вĕçĕнчи ту çине хăпартăм.

 

Ши! çеç кайрĕ манăн вичкĕн сăннăм,

Каялла анмарĕ çилхăванăм.

 

Мĕн çухатрăм тетĕп, ӳкĕнетĕп, —

Яшлăха иккен çухатнă эпĕ.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: