Аэлита
Эсĕ пур, Аэлита,
Анчах инçетре-инçетре.
Эсĕ пур, Аэлита,
Манра, ман çемçе ĕмĕтре.
Манăн кăкăр шал енĕ
Вăл — санăн сенкер планету.
Çăлтăрпи — Аэлита,
Куçа курăнман юрату.
Эсĕ пур, Аэлита,
Таçта инçетре-инçетре.
Эсĕ кур, Аэлита, —
Ман Çĕрĕм кăвак та хитре.
Хитререх те тăвасшăн
Эпир çакă çĕр чăмăрне:
Ĕçпеле çывхаратпăр
Куллен Сарă кун ĕмĕрне.
Ĕненсем, Аэлита:
Кĕç сирĕлĕ сивĕ тĕтре.
Туйăм радиохумĕ
Мана ун çинчен систерет.
Çăлтăрпи — Аэлита,
Ик çăлтăр тĕл пулнă чухне
Кĕт мана: эп парнелĕп
Сана тăван ен чечекне.
Шухăшсем
Ready to energize your website vi...
Is your website chuvash...
Get more leads for your chuvash...
Struggling with a sluggish websit...
Замечательное поэтическое творение...
Аван çырнă вăл вăхăтра ...
Кам пĕлет И...
Тĕлĕнмелле çырнă...
Сахал сăмахсемпех питĕ тарăн шухăшсем уç...
Мана питĕ килĕшрĕ...