Пурăн юратса

Николай Сапожников | Сăвă | юрату | 350


Ватăлан пулсан та

Пурăн юратса.

Вилĕм çывхарсан та

Тарĕ хăраса.

Пурнăç — юрату вăл

Çĕр ытамĕнче.

Юн çуратнă тăвăл

Чун уçлăхĕнче.

Юрату хăватлă!

Ун хăвачĕпе

Чĕрĕ çутçанталăк,

Пĕтĕм çут тĕнче.

Ав килет савниçĕм —

Юрату «кĕвви»,

Чĕлхи çинче иçĕм,

Вăл — кун-çул кĕвви.

Хирĕç уттарам-ха,

Ыталам пĕрре,

Ватлăх тарама-ха,

Чăттăр çех чĕре.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: