Шупашкар тулашĕнче — асфальт сукмак...

Стихван Шавлы | Сăвă | сукмак | Шупашкар | 545


Шупашкар тулашĕнче — асфальт сукмак.

Тавтапуç сана, тăван хула совечĕ!

Ывăнсан тухса çӳретĕп эп пăртак,

Çав сукмакшăн та ман кăмăлăм çĕкленчĕ.

 

Икĕ енĕпе этем аллин вăрманĕ.

Тав сана хула çынни! Мухтав, этем!

Сулханта вĕтет сакки-диванĕ,

Тирексем тĕллеççĕ пĕлĕте.

 

Машинсем васкаççĕ кĕр те кĕр экспресăн;

Шухаш хыççăн шухăш, машин пек чупать.

Пинĕнчен пĕри тĕвĕленсессĕн,

Савăллă уявăм тытăнать.

 

Ушкăн-ушкăн шурă пĕлĕт те, тăри те

Ун чухне анса ларать шур вут çине.

Килелле вара утатăп эп шав витĕр,

Васкакатăп çĕр çаврăнăшне.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: