Пăлатка йăмрисем


Мĕн-ши пулнă, кур-ха,

Çак йăмрасене?

Ларса тухнă чуххăм

Пĕве хĕррине.

Пилĕке çитеççĕ

Çивĕт-туратсем,

Ман çула шăлаççĕ

Çыранта вĕсем.

Çамрăк-ха хунавĕ,

Ав, пĕрин, курап,

Чи илемлĕрех вăл —

Яштака турат.

«Çакăн пекчĕ мар-и

Эпĕ те вара? —

Ват аннем каларĕ, —

Хĕр чухне, ара».

Шыва утса кĕнĕ

Чĕркуççи таран

Йăмрасем çӳçеннĕ

Те кăшт сулхăнран.

«Эп кĕпе чӳхеттĕм

Çакăн пек ялан, —

Тет каллех аннеçĕм, —

Пурччĕ вăл йăла».

Эпĕ çеç пĕлмерĕм

Пĕр сăмах хушма:

Аякра çав иртрĕ

Çамрăклăхăм ман.

Миçе çул курман эп,

Миçе каç савман

Çак йăмрасене те,

Ватă аннеме?!

Савнă тăван ялăм

Пăлатка тесе

Яланах упрарăм

Пĕртен-пĕр тĕсе:

Ав, пĕве, йăмралăх,

Юнашар — анне.

«Сывă-и, — тет, —

Альăк», —

Шăннă кĕркунне.

Мĕн каласшăн — калĕç

Йăмрасем мана.

Ларса канăп халĕ

Эп те çырана...

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... »
Хаклав:
Шухăшĕ:
Чĕлхе илемлĕхĕ:
Содержанийĕ: